-احنا لازم نشترى كاميرا فيديو حلوة
-اشمعنى؟؟؟
-هو ايه اللى اشمعنى .....انت ها تدخل لى قافية ولا ايه؟؟
-طب بلاش اشمعنى ....نخليها ليه يا حبى؟؟
-ايوا كده ...احبك لما تدلعنى هههههههههههههههه (نضحك احنا الاتنين بصوت عالى )
-طب قوليلى ليه بقى ؟؟
-عشان عايزة اصور فيلم ...فيلم قصير عن مصر ايه رايك؟؟
-فيلم قصير !!! مممم جميل والله ويا ترى يا قطة ها تجيبى مين يمثل الفيلم العظيم ده ..تفتكرى مين ينفع تكون البطلة ؟؟
-تفتكر مين يعنى ....اكيد قطتك طبعا ( منفوخة شويتنين كده )
-كمان تمثيل ما تخفى عليا شوية يا بنتى ...كتابة وتصوير وبتلعبى تنس وبتتعلمى رسم وكمان تمثيل ما تسيبى حاجة للناس تعملها
-عشان تبقى فخور بيا يا عزيزى
-حلوة عزيزى دى ...مش لايقة فى الفصحى خالص على فكرة
-طيب يا اخويا (عاملة مقموصة)
-الله الله ...بلاش والنبى الطفلة المقموصة دى مش هااعرف اجيب شيكولاته دلوقتى ...يلا احكيلى على الفيلم
-شوف يا سيدى انا قررت اننا ها نجيب كاميرتين مش واحدة
-وماله ما هو اصله مال كفار ...ما نجيب ثلاثة احسن
-الله ما تقاطعنيش بقى ..خلينى اقول قبل ما الافكار تطير من دماغى
-هااسكت ساكت خالص اهو
-اوك ...اكمل انا ...الكاميرا الاولى ها تبقى معاك انت والكاميرا التانية ها تكون مع واحد نجيبه يصور
-جميل ...مين بقى ها يصور مين انا مش فاهم !!!
-هو ها يصورنا وانت بتصورنى
-يا شيخة !!! ايه ده ...عبقرية والله ههههههههههههههههه
-تانى هااسكت على فكرة
-لا لا خلاص كملى انا اسف
-عايزاك تصورنى انا ومصر ...تصور مصر فى عينيا ...تصور يعنى ايه مصر ليا وليك
تصور كل حاجة بحبها فى البلد ...تصورنى وانا واقفة على الكورنيش .....تصورنى وانا راكبة فلوكة فى النيل ...تصورنى وانا بجرى فى شوارعها وتصورنى وانا بشرب قهوة فى قهاوى وسط البلد ...تصورنى وانا بركب المترو .....تصورنى بين الجوامع والكنائس ...تصورنى فى الحسين والسيدة زينب والسيدة عائشة .....تصورنى وانا بشترى من محلاتها فى خان الخليلى ...
تصورنى وانا بركب جمل وحصان عند الاهرامات و ابوالهول ...تصورنى ومصر كلها من تحتى من فوق البرج....
تصورنى وانا باكل ذرة مشوى على البحر وتصورنى وانا راكبة التروماى فى محطة الرمل ....تصورنى وانا ماشية فى النبى دانيال وكوم الدكة ....تصورنى وانا باكل لب وترمس وحمص الشام المشطشط
تصورنى وانا باكل غزل بنات وعسلية ...تصورنى وانا بشترى حلاوة المولد من عند السيد البدوى
تصورنى وانا لابسة فلاحة وصعيدية واسكندرنية ...تصورنى وانا بصقف مع السمسمية
تصورنى وانا لابسة بدلة رقص وبرقص بلدى....
-اووووووووبا ...ده على اساس ان انا سوسن يعنى
-يوووووووة بقى ...ابقى ظبطها فى المونتاج ههههههههههههههههه
تصورنى وانا بصور كل شبر فيها ...وانا بين القصرين والازهر ...وانا فى شارع المعز ...تصورنى وانا بتفرج على التنورة والمولوية والفنون الشعبية ....تصورنى وانا لابسة الوان علمها وبشجعها.....
تصورنى وانا بعمل محشى ورق عنب وحمام محشى وبشهق فى الملوخية
-بس انتى متعرفيش طريق مطبخ بيتكوا منين اصلا
-(اعمل نفسى مش سامعاه وبكمل ) ....عايزة نتصور واحنا بنتمشى وماسكين ايدين بعض وبنجرى تحت المطرة فى الشتاء وبنلعب على رمل شطها فى الصيف و بنقطف من وردها فى الربيع ....ايه ده
هو انا بحبها اوووى كده ليه .؟؟؟؟
-عشان بتحبى محفوظ وشاهين وجاهين ومنير ودرويش
-طب ما انا بحب فيروز وزياد وريما ولينا ....بس مش بحب ولا هااحب سوريا ولبنان اكتر من مصر
-يمكن عشان البيوت القديمة والمشربيات والنيل والبحر الى انت ليل ونهار بتمشى تصوريهم ...(بقاطعه)
-يعنى لو الحاجت دى اتهدت ولا اختفت هاابطل احبها ...لا لا ...ما تحاولش تدور ليه انا بحبها ...انا بحبها عشان كل الى لسه قايلاه فى حقها ...بحبها وخلاص عشان مفيش حب "مشروط" بحبها وخلاص
-طب انتى عارفة انا بقى ليه بحبها ؟؟؟
-ما احنا قلنا مفيش حب مشروط وبنحبها عشان هيا مصر وخلاص
-معاك مفيش حب مشروط ....بس انا بحبها عشانك ....بحب اشوفها فى عينيكى واسمعها فى كلامك واتفرج عليها فى صورك ....بحبها عشان انا وانتى منها ...بحبها عشان انتى بتحبيها
بحبها عشان كل ذكرى حلوة بينا حصلت فى حتة منها
بحبها عشان بحبك يا اجمل واحلى وارق واظرف والذ واجدع واذكى بنت شوفتها فيكى يا جمهورية مصر العربية
-احلى حاجة فيك انك بتعرف ترضى غرورى
(نضحك احنا الاتنين بصوت عالى ....بصوت فرحان ....بصوت طاير)
والله يا جدعان مهما حصل منها او فيها ....مصر برضو امى مش مرات ابويا
والى مصر مرات ابوه بقوله : مرات ابوك برضو ممكن تكون ست كويسة على فكرة
هههههههههههههههههههههههههههههههههههههههههههههههههههه
-اشمعنى؟؟؟
-هو ايه اللى اشمعنى .....انت ها تدخل لى قافية ولا ايه؟؟
-طب بلاش اشمعنى ....نخليها ليه يا حبى؟؟
-ايوا كده ...احبك لما تدلعنى هههههههههههههههه (نضحك احنا الاتنين بصوت عالى )
-طب قوليلى ليه بقى ؟؟
-عشان عايزة اصور فيلم ...فيلم قصير عن مصر ايه رايك؟؟
-فيلم قصير !!! مممم جميل والله ويا ترى يا قطة ها تجيبى مين يمثل الفيلم العظيم ده ..تفتكرى مين ينفع تكون البطلة ؟؟
-تفتكر مين يعنى ....اكيد قطتك طبعا ( منفوخة شويتنين كده )
-كمان تمثيل ما تخفى عليا شوية يا بنتى ...كتابة وتصوير وبتلعبى تنس وبتتعلمى رسم وكمان تمثيل ما تسيبى حاجة للناس تعملها
-عشان تبقى فخور بيا يا عزيزى
-حلوة عزيزى دى ...مش لايقة فى الفصحى خالص على فكرة
-طيب يا اخويا (عاملة مقموصة)
-الله الله ...بلاش والنبى الطفلة المقموصة دى مش هااعرف اجيب شيكولاته دلوقتى ...يلا احكيلى على الفيلم
-شوف يا سيدى انا قررت اننا ها نجيب كاميرتين مش واحدة
-وماله ما هو اصله مال كفار ...ما نجيب ثلاثة احسن
-الله ما تقاطعنيش بقى ..خلينى اقول قبل ما الافكار تطير من دماغى
-هااسكت ساكت خالص اهو
-اوك ...اكمل انا ...الكاميرا الاولى ها تبقى معاك انت والكاميرا التانية ها تكون مع واحد نجيبه يصور
-جميل ...مين بقى ها يصور مين انا مش فاهم !!!
-هو ها يصورنا وانت بتصورنى
-يا شيخة !!! ايه ده ...عبقرية والله ههههههههههههههههه
-تانى هااسكت على فكرة
-لا لا خلاص كملى انا اسف
-عايزاك تصورنى انا ومصر ...تصور مصر فى عينيا ...تصور يعنى ايه مصر ليا وليك
تصور كل حاجة بحبها فى البلد ...تصورنى وانا واقفة على الكورنيش .....تصورنى وانا راكبة فلوكة فى النيل ...تصورنى وانا بجرى فى شوارعها وتصورنى وانا بشرب قهوة فى قهاوى وسط البلد ...تصورنى وانا بركب المترو .....تصورنى بين الجوامع والكنائس ...تصورنى فى الحسين والسيدة زينب والسيدة عائشة .....تصورنى وانا بشترى من محلاتها فى خان الخليلى ...
تصورنى وانا بركب جمل وحصان عند الاهرامات و ابوالهول ...تصورنى ومصر كلها من تحتى من فوق البرج....
تصورنى وانا باكل ذرة مشوى على البحر وتصورنى وانا راكبة التروماى فى محطة الرمل ....تصورنى وانا ماشية فى النبى دانيال وكوم الدكة ....تصورنى وانا باكل لب وترمس وحمص الشام المشطشط
تصورنى وانا باكل غزل بنات وعسلية ...تصورنى وانا بشترى حلاوة المولد من عند السيد البدوى
تصورنى وانا لابسة فلاحة وصعيدية واسكندرنية ...تصورنى وانا بصقف مع السمسمية
تصورنى وانا لابسة بدلة رقص وبرقص بلدى....
-اووووووووبا ...ده على اساس ان انا سوسن يعنى
-يوووووووة بقى ...ابقى ظبطها فى المونتاج ههههههههههههههههه
تصورنى وانا بصور كل شبر فيها ...وانا بين القصرين والازهر ...وانا فى شارع المعز ...تصورنى وانا بتفرج على التنورة والمولوية والفنون الشعبية ....تصورنى وانا لابسة الوان علمها وبشجعها.....
تصورنى وانا بعمل محشى ورق عنب وحمام محشى وبشهق فى الملوخية
-بس انتى متعرفيش طريق مطبخ بيتكوا منين اصلا
-(اعمل نفسى مش سامعاه وبكمل ) ....عايزة نتصور واحنا بنتمشى وماسكين ايدين بعض وبنجرى تحت المطرة فى الشتاء وبنلعب على رمل شطها فى الصيف و بنقطف من وردها فى الربيع ....ايه ده
هو انا بحبها اوووى كده ليه .؟؟؟؟
-عشان بتحبى محفوظ وشاهين وجاهين ومنير ودرويش
-طب ما انا بحب فيروز وزياد وريما ولينا ....بس مش بحب ولا هااحب سوريا ولبنان اكتر من مصر
-يمكن عشان البيوت القديمة والمشربيات والنيل والبحر الى انت ليل ونهار بتمشى تصوريهم ...(بقاطعه)
-يعنى لو الحاجت دى اتهدت ولا اختفت هاابطل احبها ...لا لا ...ما تحاولش تدور ليه انا بحبها ...انا بحبها عشان كل الى لسه قايلاه فى حقها ...بحبها وخلاص عشان مفيش حب "مشروط" بحبها وخلاص
-طب انتى عارفة انا بقى ليه بحبها ؟؟؟
-ما احنا قلنا مفيش حب مشروط وبنحبها عشان هيا مصر وخلاص
-معاك مفيش حب مشروط ....بس انا بحبها عشانك ....بحب اشوفها فى عينيكى واسمعها فى كلامك واتفرج عليها فى صورك ....بحبها عشان انا وانتى منها ...بحبها عشان انتى بتحبيها
بحبها عشان كل ذكرى حلوة بينا حصلت فى حتة منها
بحبها عشان بحبك يا اجمل واحلى وارق واظرف والذ واجدع واذكى بنت شوفتها فيكى يا جمهورية مصر العربية
-احلى حاجة فيك انك بتعرف ترضى غرورى
(نضحك احنا الاتنين بصوت عالى ....بصوت فرحان ....بصوت طاير)
والله يا جدعان مهما حصل منها او فيها ....مصر برضو امى مش مرات ابويا
والى مصر مرات ابوه بقوله : مرات ابوك برضو ممكن تكون ست كويسة على فكرة
هههههههههههههههههههههههههههههههههههههههههههههههههههه
